Þingvallarvatn var mjög gjöfult í lok júli 2012 en bleikjan var mjög erfið sérstaklega fyrir þá sem þjóskuðust við að nota ekki það agn sem hún vildi en á þessum degi tókst okkur það og uppfrá því fór maður ekki fisklaus heim.

Erna skrap með í einn strandveiðitúr í sumar 2012, það var blíðu verður en aflinn var nú ekki mikill en þó fékk Erna frekar stóra fiska þegar hann gaf sig en við vorum í Hvalfjarðarkrika að veiðum þennan dag með Hrefnur sveimandi líka í námd við bátinn.

Var staddur í apríl 2012 í Sandgerðishöfn að fylgjast með aflabrögðum handfærabáta, tók þá eftir þessum sel sem var að vesinast í hafnarkjaftinum, ég henti ledingja út í von um fisk en varð ekki var. Náði þá í myndavélina og læddist fram á hafnargarðinn og beið eftir selnum að hann kæmi upp og viti menn hann kom upp með Ýsu og gæddi sér á henni beint fyrir framan mig en ég fór fisklaus heim.

Þessi mynd er tekinn í Grímsey sumarið 2008 og það var ekki fyrr en heim var komið og ég skoðaði myndirnar í tövunni að ég sá að einn fuglinn hélt á grein og var greinilega í vandræðum með hver af heimasætunum sem voru í kringum hann ætti að fá rós í dag.